ਗੁਰੂ ਤੇਗ ਬਹਾਦਰ ਜੀ ਦੀ ਬਾਣੀ ਵਿਚ ਵਿਭਿੰਨ ਮਤ-ਮਤਾਂਤਰਾਂ ਨਾਲ ਸੰਬੰਧਿਤ ਧਾਰਮਿਕ ਸ਼ਬਦਾਵਲੀ: ਸਰਵੇਖਣ ਤੇ ਅਰਥ ਪਰਿਵਰਤਨ
Guru Tegh Bahadur Ji Di Bani Vich Vibhin Mat-Matantar Nal Sambandit Dharmik Shabadavali: Sarvekhan Te Arth Parivartan
Abstract (ਸਾਰ):
ਹੱਥਲੇ ਪਰਚੇ ਦੇ ਅੰਤਰਗਤ ਗੁਰੂ ਤੇਗ ਬਹਾਦਰ ਬਾਣੀ ਵਿੱਚ ਜੋ ਸਾਨੂੰ ਵੱਖ-ਵੱਖ ਮਤ-ਮਤਾਂਤਰਾਂ ਜਿਵੇਂ ਹਿੰਦੂ ਮਤ, ਜੋਗੀਆਂ, ਸਿੱਧਾਂ, ਨਾਥਾਂ ਆਦਿ ਨਾਲ ਸੰਬੰਧਿਤ ਸ਼ਬਦਾਵਲੀ ਮਿਲਦੀ ਹੈ, ਉਸ ਦਾ ਸਰਵੇਖਣ ਪੇਸ਼ ਕੀਤਾ ਗਿਆ ਹੈ। ਇਸ ਦੇ ਨਾਲ ਨਾਲ ਸੰਬੰਧਿਤ ਸ਼ਬਦਾਵਲੀ ਦੀ ਗੁਰਮਤਿ ਦੇ ਪਰਿਪੇਖ ਵਿੱਚ ਹੋਏ ਅਰਥ ਪਰਿਵਰਤਨ ਦੀ ਚਰਚਾ ਵੀ ਕੀਤੀ ਗਈ ਹੈ। ਜਿਸ ਤਰ੍ਹਾਂ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਜੀ ਦੀ ਸ਼ਬਦਾਵਲੀ ਵਿੱਚ ਭਾਰਤੀ ਮਿੱਥਾਂ ਖ਼ਾਸਕਰ ਹਿੰਦੂ ਮਤ, ਇਸਲਾਮ ਮਤ, ਸਿੱਧਾਂ, ਜੋਗੀਆਂ ਆਦਿ ਨਾਲ ਸੰਬੰਧਿਤ ਧਾਰਮਿਕ ਸ਼ਬਦਾਵਲੀ ਦਾ ਵੱਡਾ ਪਸਾਰਾ ਮੌਜੂਦ ਹੈ। ਉਥੇ ਗੁਰੂ ਤੇਗ ਬਹਾਦਰ ਜੀ ਦੀ ਬਾਣੀ ਵਿੱਚ ਸਾਨੂੰ ਵਧੇਰੇ ਹਿੰਦੂ ਮਤ ਦੇ ਦੇਵਤਿਆਂ, ਪ੍ਰਸਿੱਧ ਪਾਤਰਾਂ, ਧਾਰਮਿਕ ਕਿਰਿਆਵਾਂ ਅਤੇ ਸਿੱਧਾਂ, ਜੋਗੀਆਂ ਆਦਿ ਨਾਲ ਸੰਬੰਧਿਤ ਸ਼ਬਦਾਵਲੀ ਪ੍ਰਾਪਤ ਹੁੰਦੀ ਹੈ। ਇਸ ਦਾ ਵਧੇਰੇ ਕਾਰਨ ਗੁਰੂ ਤੇਗ ਬਹਾਦਰ ਜੀ ਦੇ ਪੂਰਬੀ ਭਾਰਤ ਦੇ ਪ੍ਰਚਾਰ ਦੌਰੇ ਮੰਨੇ ਜਾਂਦੇ ਹਨ। ਜਿਥੇ ਉਹ ਆਪਣੇ ਸਿੱਖਾਂ ਸਮੇਤ ਵਧੇਰੇ ਹਿੰਦੂ ਜਨ-ਸਮੂਹ ਨੂੰ ਸੰਬੋਧਿਤ ਰਹੇ।